هاوطّي صوت التليفزيون
..إحترامًا للجثث
وهالاقي طريقة
أقنع بيها نفسي
إن اللي ع الشاشة
مجرد فيلم
..دخل بالغلط في نشرة الأخبار
بعد ما ينتهي التصوير
الأمهات
هيمسحوا دموعهم
وهيصحّوا العيال عشان معاد الرضعة
وهما بيفكّوا الكفن عنهم
..بشويش
الشباب المرميين ع الأرض
( قال يعني مقتولين )
..هيقوموا وهما بيضحكوا
وهيشتموا المخرج في سرّهم
لإنه بهدل هدومهم ميكروكروم
وبويا حمرا
..أكتر من اللازم
عربية الإسعاف
هتطلع مجرد ديكور
مافيهاش موتور أصلاً
..العمال اللي ف الاستديو
-هينتظروا - بنفاد صبر
..خروج الجميع
وف ظرف 5 دقايق
هيفضّوا المكان
عشان تصوير المشهد الجديد
اللي مش محتاج
غير مؤلف واقعي
محمد خير
نشرت في جريدة الدستور يوم 5 مارس 2008
2 comments:
هو فعلا فيلم بس بايخ اوووى .. ممكن تقول انه فيلم تجارى انتاج واخراج حماس
ربنا يرحمنا برحمته
انا كنت بافكر انشر القصيدة دي تاني عندي
يلا واحد
بس هي اكتر حاجةانكتبت واقعية فعلا
فيلم
تحياتي
Post a Comment